هادي مهدية للدالو هي قالت للرجال

عضو محترف

هادي مهدي يالك يا دالو ختنا ماكيش وفي خاطرك بيك بجماعتك والله يسڤم لك ليام مع ربي ومع العبد ان شا الله

شا بدلالي مين هاذ الوقت تبدل ** هاذ الدنيا الجايحة لعبت بينا
درناها بايدينا وما لقيناش الحل ** والشيخ راه مسكين رزقه مشرتل

شوف الفلاح راه في السوق يكيل ** ساكن في LA CNAPعارق في الكرية

لي كان غني راه ضروك متهيكل** وانقلبت ليام كي عرض ازيا
ما تصيبش درويش في دار يجلل** نص الخلقة كع ولا جهلية

ما باقيش الخير لا مين يجمل ** وما لقيناش الرجال حتى للشريا

يا ربي ما راك راقد نوضوك ما راك بعيد نلاغوك راك حاضروناضر وتشوف
هاو سڤم هاذ البلاد اللي فيها الجوامع والشرف والكرم

شوف خو في خو راه صبح يقتل** وتهدمت خيام كانت مبنية
واحد باصا وواحد راح رحل** وواحد راح غير باطل ضحية

وواحد دفنوه ولا يتغسل ** وواحد راح باطل ضحية

والمسكين على الهنا راه يسول** وصاب غير الهم في الحية
والقفوزية راه بدلها بذل ** واللي خسر البلاد حرب اهلية

ومول الحق مسكين راه لابس بو منتل ** وقصارت عبايته كي الجيلية
وشوف مول الباطل راه لابس ومعدل ** ومقبب عمامتة التوتية

يعيا الباطل يبطل ويجي الحق فوقه
شوف مين كذبنا في رجال الله الصالحين كي صرالنا
الله يرحم رجال الله الصالحين
راه قريب الحق يقلع بو منتل ** ويريح لي محانه قوية
ولا القباني يرحم ويحلل ** والعلاما خايفين من هاد الحية

راهي غير تزيد ماهيش تستهل ** ما يبلع ربي باب حتى يحل 100 مية

هادي في خاطر ناس سيدي سعادة وناس سيدي بلعباس وغاشي قسنطينة بزاف بزاف
والله يرحم الشعراء اللي ماتو
ها شوف LE SAGE خويا شوف

كاين لي تقوله يا الله مع الصابرين
يقولك يا الله مع القافزين

الموضوع الأصلي : هادي مهدية للدالو هي قالت للرجال المصدر : منتديات طلاب جامعة سيدي بلعباس

التوقيع