بسم الله
قالك واحد النهار طفل اسمو حمو راح يخدم قهواجي في احد المقاهي الشعبية
ايا خدم نهارين قال لمول القهوة راني نعرف المير
مول القهوة قال هذا راه يخرط
ايا غدوا عدا المير على القهوة وسلم على حمو تسليم حار
ايا مول القهوة ردو حاكم لاكاس برك ماولاش قهواجي
ايا زاد قالو انا نعرف الوالي
قالو هاد المرة راك تكذب برك
ايا جاء الوالي يحوس على حمو فالقهوة وكي لقاه سلم عليك تقول صاحبو الانتيم
استغرب صاحب القهوةوزوجو ببنتو
ومن بعدها قالو كون انقلك شكون نعرف ماتامنيش
قالو مول القهوة شكون تعرف
قالو حمو انا نعرف اوباما
قالو ماشي كي تعرف المير والوالي راح انامن بلي تعرف اوباما
قالو انروحو للولايات وتشوف بعينك
مول القهوة راح يهبل ايا اداه
كي وصلو للبيت الابيض قالو حمو ريح هنا درك انروح انسلم عليه وانجي
ايا كي وقف حمو مع اوباما مول القهوة طاح داخ
رجعو لدزاير في صبيطار كي فاق مول القهوة قالو حمو واش كي شفتني مع اوباما دخت
مول القهوة قالو لالا راه عدا عليا زوج امريكان كي كنت انت واقف مع اوباما قالولي شكون هداك لي واقف مع حمو