اليوم نحكيلكم على الجامعات ماشي من جانب الدراسة

لأنو الدراسة فيها رجعت ماكانش و الي يروح للجامعة راه يروح يضرب دورة و يجي

و في اللخر او عمبالنا شكون ينجحوا غير ولد فلان و فلتان

المهم اليوم راح نحكي على البنات و الذكورة في الإقامات

ديجا اني حرت منين نبدالكم ايا نبدا من اللول خلاص

مورا مايدي الإنسان الباك يفرح باش يروح للجامعة و يتلاقا ناس أخرين و يشوف بلاصة جديدة

و يشوف ثقافة جديدة ماشي كيما تاع مدينتو

المهم الطفل ولا الطفلة كي يروحو لتما يحيرو و كاينين الي يخالطو ناس ماش ملاح

و يرجع الطفل ملي راح باه يدي الديبلوم يرجع في حباسات و معرف واش

و méme الطفلة راحت باه تجيب الديبلوم تلقاها جايبة في يدها bébé و جاية

تروح بعقلية تاع الدوار ماعلابالها بوالو ويعمرولها راسها ناس المدينة

يقولولها عيشي حياتك ضرك و ازهاي و تقلشي علاخاطرش ماتلقايش فرصة اخرى كيما هاذي

و حتى الطفل يقولولو هكا و يرويولهم العقلية

هاذي تروح للكاباريهات تاع الليل و لخرى تضرب في الشيشة في la chambre

و لخرى منهيه راهي كل ليلة مع واحد و وحدة تبيع في la drog

و وحدة ماعرف واش راهي تدير

و الذكورة واحد راه يطلع النهار و هو يسكر مع صحابو و لاخر يسرق

و خوه منهيه راه مع كاشي طفلة

المهم الحالة في الإقامات راهي مخلطة تجي تفهم تدوخ

ضرك أنا مافهمتش راهم يروحو باش يقراو ولا يروحو باش يعيشو حياتهم كيما حابين ؟؟
و التربية الي رباوهم والديهم وين راحت ؟؟؟
و في رايكم واشي هي الأسباب الي خلاتهم يديرو هاك ؟؟؟
و واشي هي الحلول الي لازم نديروها باه ننقصوا من هاذ الظاهرة و لا ننحوها خلاص ؟؟؟


أترك لكم الكلمة كل واحد يدخل يمد رايو
ماتبخلوناش بآرائكم
و إذا ماعجبتكمش كاش كلمات في الموضوع ولا حاجة قولو
راني نستنا فيكم