منتديات طلاب جامعة جيلالي ليابس سيدي بلعباس
بوقالات جديده  انووا وعقدوا يا بنات Reg11
منتديات طلاب جامعة جيلالي ليابس سيدي بلعباس
بوقالات جديده  انووا وعقدوا يا بنات Reg11
منتديات طلاب جامعة جيلالي ليابس سيدي بلعباس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات طلاب جامعة جيلالي ليابس سيدي بلعباس


 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  



منتديات طلاب جامعة جيلالي ليابس سيدي بلعباسبوقالات جديده انووا وعقدوا يا بنات

FacebookTwitterEmailWindows LiveTechnoratiDeliciousDiggStumbleponMyspaceLikedin
شاطر | 
 

 بوقالات جديده انووا وعقدوا يا بنات

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
Anonymous

????
زائر


بوقالات جديده  انووا وعقدوا يا بنات Vide





مُساهمةموضوع: بوقالات جديده انووا وعقدوا يا بنات   بوقالات جديده  انووا وعقدوا يا بنات Emptyالإثنين سبتمبر 06, 2010 7:47 pm




كل وحدة فيكم تعقد و تنوي و تختار رقم من 1 الى 113 بوقالة


1-قوليلي نقطع لياس و لا نستنى وقتاش نتزوج و نولي كنة ، سمعت صوت جاني من الجنة ديري التصديرة
و ديري الحنة

2-ارمي الشبكة في بحر كبير يجيك فيها خير كثير ، ترش الورد و تتغطى بالحرير

3.اللي راهو في بالها هو في بالك و اللي تبغيها راهي على جالك و العدو بإذن الله راهوا هالك و اللي يخاف ربي راهوا ديما سالك

4.قلبك يهنا و ينشرح يسرح و تضحكلك الدنيا و تحن عليك و يجيك الخاتم بين يديك

5.أتوكل على ربي و دير الملزوم و نوي نية بالقلب المهموم شملك بيهم ملموم

6.إذا طاح الليل النهار راهو يطلع و إذا كثر النحاس الذهب هو اللي يسطع و سيرتك كي العطر بين الناس ، العقدة زينة و كي السلطان متربع

7.أنت شابة زينة فاتت على قهوة نوضت الغاشي و فاتت على مقبرة نوضت الراشي و فاتت على شير خلاتو مغاشي

8.فرشت فراشك بيدك و عفستيه برجليك و اللي غاب وراح و نساك راه ناوي يولي ليك

9.قلبي معمر و دمعي سايل و أنت حبيبي مرة تغرب و مرة تشرق شكيتك للغالي

10.بالبشارة بشرتوني و بالجنة زرتوني على الغالي إن شاء الله تهنوني

11.دارنا علات و شمسنا ضوات الطفلة اللي تحبها راهي جات و هي لالة البنات

12.عيطت على سيد الملاح صبت الناس رقود زعزعت الدالية طاح منها العنقود خلي لحباب تعود و كلشي بالمكتوب

13.عيونك زرقة و حواجبك زادتلي مشقة سمي باسم الله ما بيناتنا فرقة إن شاء الله يتسقم الحال و نديك يا عاشقة

14.إذا قنديلكم من الريح أنا قنديلي ضاوي و سعدي مليح كل ما تبنوا ساسكم يطيح و ساسي أنا سجالي الناس تشد في العبد و أنا نشد في ديما في ربي العالي

15.أنت يا القاعدة في لجنان و مدرقة زينك بغصن اللبان ما ولداتك سلطانة اسطنبول و لا سلطانة اليمن نطلب الله يجعلني بيك على طول الزمان

16.بركاك يا قلبي من البكاء واضحك لزمانك و اخرج بشاير الخير طلعت و ربي ردلي اللي كان راح و كي اليوم يزيان سعدي و نفوز بسيد الملاح

17.راني في وسط جناني السرّ و البهاء ريته بعياني راني راني حالفة بالرباني هذه المرة ما نأخذ غير البراني

18.يا لالّتي فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك القلب مشتاقك

19.السفينة اللي جات باش أنكافيها باللوز والسكر نطعم غاشيها وبالزباد والعطر نطلي سواريها ونطلب ربي العزيز للحج يدّيها

20.حبطت إلى قاع الجنان وفرشت زربية حرقست بحرقوس الذهب حتى الى وذنيّا افرحي يا يمّا سعدي ولّى ليّا نتشفى في العدو كما يتشفى فيّا

21.بعثت لك يا شباب دموعي قرنفلة حمراء يا عدو بن عدو بدّلتني بامرأة قال لي والله يا لالة ما نبذلك بالغير محبتك في قلبي حتى يشيب الطير

22.عندنا شجرة معمرة بالياقوت وعندنا فوّارة معمرة بالحوت اعطوني ابنتكم أو نطيح نموت

23.رجت بدر البدور تتزعبل في المور تلقت ذوك الشعور بالخد اللي ينور مثل التفاحة

24.الا كنتي في القصور، نتعلى و نزور، والا كنتي في البحور ذكري عوامة، الجود منك و العطاس مولانا

25.طلعت في التاقة، دربيت رجليه، حرقست حرقـوس الذهب حتى الوذنية، باركولي يا جيراني سعدي ولا ليه

26.خرجت من الفاس، دايره الداح و مقياس و ازويجه ملخراص، هددت وذنيها الليعندو نقش الريال ايجي يديها، واللي ما عندوش يقعد يقابل فيها

27.اسمعت قر الحمام، في قاعة السجنة، لا من طاه الما، لا من اسقاهاللفط، يا قمر الحمام، يعيا يحن الحنين، او تتعمر اقبوشه بالما، وانعودوالزمانا كيما كنا

28.لو كان بالسعود، تتغرس بالعود، نخدم اميه عود في مرجه وحده، يا سقام السعود سقملي سعدي
.
29.قطعت اللحم بيدي، واعملتوا بزاروا، واسمعت الكلام بوذني، و اعرفتمن قالوا، يا قوال الكلام الله لا يجعلك تربح، انا في جرتك و الكلابتتنابح هودت القاعة الجنان،


30.فرشت زربيه، جازوا اعليه طيور، جنوحتيهمعكرية، قالو لي يا الشباب واش احوال الدنيا، قلتلهم سلاما او عافية .

31.جزت على باب دارنا، صبت الناس الملاح ارقود، اتنهدت الذالية،واتخلخل العنقودن قال: الهلال تكشف قالوا: النجوم ذنوب، جيلو القلوب تهنا،هاذ الشي بالمكتوب

32.خرجت بدر البدور، تتزعبل و ادور، تلقت ذوك الشعور، زادوا الى حالي، تطلب ربي الحنين ما يجي العام ايدور حتى انكون في حجر اغزالي

33.هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

34.لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى . و حكمتكم :تجنب شؤم الهزل ، و نكد المزاح.

35.طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .و حكمتكم : ثمرة العلوم العمل بالمعلوم

36.رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد . و حكمتكم : جد بالكثير ، واقنع بالقليل

37.مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
و حكمتكم : الحازم من كتم سرّه

38.يما يما ديريلي تويقة في وسط الحديقة باش نشوف زهرى كي تجيبو ذيك الوريقة. و حكمتكم : الخَرَسْ خير من الكذب

39.. ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالي ، بنياني فوق غرفة و لي يخصني يكملهولي العالي .
و حكمتكم : دُل على الجميل بجميل خلالك

40.عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
و حكمتكم : ربما أراد الأحمق نفعك فضرّك

41.الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.
وحكمتكم : زين النّطق الصّدق .

42.خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كأحلام النائم .

43.الناس تنده بالرجال و الوالي ، وانا ننده بربي العالي .
وحكمتكم : الشكاية سلاح الضعفاء .

44.حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة و حكمتكم : صداقة الجاهل تعب.

45.كلام على كلام و الكلام على سقيلة ، العين في العين و الدّعوة مقبولة.
و حكمتكم : ضالة الكريم حسن الثّناء.

46.يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .
و حكمتكم : طوبي لمن شغله عيبه عن عيوب الناس

47.محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .
و حكمتكم : ظلم الضعيف أفحش ظلم

48.لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .
وحكمتكم : العين بريد القلب

49. قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.
و حكمتكم : الغفلة غرور

50.. جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .
وحكمتكم : الفقه جيش لا يهز..

51.جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.
وحكمتكم : القريب من قَرُبَ نفعه.

52.امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .
وحكمتكم: كرام الناس أسرعهم مودّة.

53.نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.
وحكمتكم : لين الكلام قيد القلوب.
54.سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
و حكمتكم : المشقة كلها في تأديب الجاهل .

55.خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .
و حكمتكم : النفس مولعة بحب العاجل .

56.خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
وحكمتكم : هيهات من نصيحة عدوّ.

57.دارنا في الجبل ، مقابلة مكة ، مفتاحها من ذهب ، يشعل ما يطفي .

58.قولو للي ضاق صبرو يشد في حبال الرجا و علاش يتنكد ..يتكل على الله ياك ربي العالي ما يضيع حد

59.زينة الشعور و كحلة العيون ...نديها لوكان نخسر عليها 30 مليون'''''

60.'''طلعت للسطح قلت للحبيب بلاك تنساني ....قالي و الله ما ننساك :يا خليلتي محبتك في قلبي كيما الجوهر الحقاني

61.السهم اللي صوبوه ليك ما يقيسكشو الكلمة اللي جبدوك بيها ما تضركشو اللي حابلك الشر من ربي ما يسلكش

62.إمسح ذيك الدمعة ، و ما تزيدش تبكيمن غير الله لبني آدم لا تشكيأتوكل و قول يا ربي هذه دعوة ليك من قلبي

63.ليل كامل وأنا عند باب دارهم أنوح حشمتك يا سيدي عيسى و يا سيدي نوح ، اعطوني و خلوني نروح يا نجمة النجوم راكي ضاوية وحدك في السما و رايح يجي وليد الحلال اللي يخرجك من الهموم و يسقيك بالماء

64.إذا داركم جبل بالسلوم نطلعها و إذا بنتكم حجبانة نعطيكم لوامحها و إذا عذبتوني روحوا شوفوا خاتمي في اصبعها

65.حبطت للبحر و صبت ثلاث حطاب واحد فارس الفرسان و الثاني كاشف الأحلام و الثالث يتمناك ترحلي معاه

66.سيدي مسافر و الشمس لاقاتوا يا شمس كوني مظلاتوا و يا حجرة كوني مونساتو سيدي مسافر و أنا مستنياتو

67.غرست شجرة الرمان و سقيتها حتى نورت و جابت الثمار و ادعيت ربي إن شاء غرست شجرة الرمان و سقيتها حتى نورت و جابت الثمار و ادعيت ربي إن شاء الله يجمعنا يالحبيب في وسط النهار

68.ذيك السفينة اللي جات نكافيها بالجوز و البندق نطعم غاشيها في خاطر ذاك الشاب اللي جاء فيها
69.يا مولات ذاك الجنان عينيك و حواجبك نيلة قلبي حصل عندك و ما صبتلوا حيلة

70.يا لون الورد يا ريحة الياسمين يا حلوة العسل ، وورقة الحرير

71.السمرة يا السمرة يا حلوة كي التمرة عيونك شهلة و لسانك حمرة نحلف باليمين نديك و لا نفنى

72.البقلاوة:جزت على قوس لمجلجل و اعراف النعناع دلاية معاه الياسمين و النرجس و الشمس الفوق علاية إن شاء الله ربي يوصل و يقلب من دعاية

73.التشاراك : كنت كي الوردة المذبالة يا حبيب و غير الحالة يا حبابي الحب كواني و دواه راه شفاني

74.العرايش : يا لالة من لا والي يا عرجون الدوالي سبع أيام و سبع ليالي ما ذقت نعمة و حاجة ما تحلالي ما عرفت إذا من الغرام و إلا من هبالي

75.المقروط :سول عليك يا الحبيب و السوال خير من ألف هدية ساعة على ساعة تتفكر الزمان و تقول إن شاء الله يعي و يولي ليا

76.حلوة الطابع : ماني طبسي نتكسر ماني وردة نذبال راني خاتم ذهب و لويزة في يد سيد الرجال

77.ما راني حبق نذبال ما راني كبسي كي الدبلونة الصغيرة مزينة وسط الصدر

78.قدك عاجي و خدك زجاجي لقيت سيد الملاح في زنقة الماجي صوتك يا لالة ينحي عليا الغبينة و يناجي

79.الباب اللي يجيك منوا الريح سدوا و استريح

80.كل خنفوس عند أموا غزال

81.عيونو توت و حواجبوا ياقوت و قلبي عليه كي الحوت لو كان ما نديهش نموت

82.ما تشوف العين ما ينضر القلب

83.يا لي فيه طبة ما تتخبى

84.واش مزوق من برى واش حالك من داخل

85.أتجي في رجلي و ما تجيش في صباتي لحمر

86.إذا حلفت فيك المرأة بات قاعد و إذا حلف فيك راجل بات راقد

87.ساعة ورى ساعة و شهر ورى شهر و عام ورى عام يتبدل التخمام لكن أنا قلبي راسي على الحباب مالوا تبدال

88.السوال ليه جواب و لو كان أكون مالوا بواب و أنت سوال مالك جواب

89.لسانك طول طول الحية و ماضي كي الشفرة المخفية هذا مكتوبك يا مسهية

90.أنت مالك غير مولاك و والديك إلي رباوك و سعدك يا لي بغاك

91.مسائك مساء الخير و هواك معطر بالياسمين و عزك عز الملوك و السلاطين

92.يا داعي ادعي بالخير و يا ناشد أنشد النبي الكريم ويا واسع وسع القلوب بالخير

93.أنسى الهم ينساك و لي يشد في الصحيح عمروا ما يطيح الدنيا الدور و الشدة ما الدوم
94.أعبد ربك الكريم و ما تفرط رضا الوالدين و ما تسمع غير كلام المحبين


95.خسارة عليك يا حنوني بدلتني بآخر نبدلك رميتني نرميك و ناخد صاحبك إلي عزيز عليك نلبسوا لبستك و يرجع يشبه فيك

96.خليتيني في les unité رديتيني فقير يا وجه البندير بصح أنتي حلوة يا مقلة بلا عروة

97.يا لي راح انساه و يالي جاي أتمناه و يالي بعيد أترجاه و يا لي خلقك أحمدوا على تقواه

98.ماشي مشية الطاووس و نافخ ريشوا كي السردوك المنقوش حاسب روحوا مالك الملوك

99.رديت بابي دفعة على دفعة و طويت فراشي لفة على لفة و أنا حبي ليك شمعة ما تطفئ

100.قال قال شكون يلحق لعروسة غير أمها و خالتها و 7 من حومتها

101.طولوا طول النخلة سود كي الفحمة و طبايعوا مرة كي الدفلة
102.يا صباح مالوا نور و يا ليل ما لوا نجوم و يا حبيب ما لوا قلب يدوم

103.يالي يالي يا نقش خلالي من صابك جاري زوج حلالي

104.إذا أنت بحر أنا حوت فيك ة إذا أنت شجرة أنا وريقة فيك و إذا أنت السماء أنا سحابة فيك

105.أحمد ربي و قول لعدوا ما في القلب غير اسم الرب و ما لوكيل غير مولاي لعزيز لكريم

106.سالوا دموع عينيا على جالتك مديت روحي هدية و يا ريتك ساءل فيا

107.صباحك سكر و مسائك زاهي بالعنبر و يجيبك جوهر منور

108.لو كان كنت دمعة في عيني ما نبكيش باه ما نودركش

109.الدنيا الدور و لهموم ما دوم و ليوم ليك و غدوا عليك

110.جاي تتكبر على قلب علاك و كبر و فرشلك الأرض ورد و ياسمين و عنبر

111.الفم المزموم ما يدخلوش الذبان

112.يالي ما عندوش شاهد يموت كذاب

113.حرس ليلة تدبيرتوا عام و وسخ عام نظافتوا في ليلة
زاحت للحمام جابت أخبار العام












التوقيع

الرجوع الى أعلى الصفحة اذهب الى الأسفل
ilhame malak

ilhame malak
عضو مشارك
عضو مشارك

بوقالات جديده  انووا وعقدوا يا بنات 115810
البلد: : بوقالات جديده  انووا وعقدوا يا بنات Dz10
تَارِيخْ التَسْجِيلْ: : 04/09/2012
العُــمـــْـــــر: : 31
المُسَــاهَمَـــاتْ: : 41
النـِقَـــــــــاطْ: : 4271

بوقالات جديده  انووا وعقدوا يا بنات Vide





مُساهمةموضوع: رد: بوقالات جديده انووا وعقدوا يا بنات   بوقالات جديده  انووا وعقدوا يا بنات Emptyالسبت سبتمبر 08, 2012 11:02 pm




100.قال قال شكون يلحق لعروسة غير أمها و خالتها و 7 من حومتها










التوقيع

الرجوع الى أعلى الصفحة اذهب الى الأسفل
salma94

salma94
عضو مشارك
عضو مشارك

بوقالات جديده  انووا وعقدوا يا بنات 115810
البلد: : بوقالات جديده  انووا وعقدوا يا بنات Dz10
تَارِيخْ التَسْجِيلْ: : 10/10/2013
العُــمـــْـــــر: : 29
المُسَــاهَمَـــاتْ: : 1
النـِقَـــــــــاطْ: : 3824

بوقالات جديده  انووا وعقدوا يا بنات Vide





مُساهمةموضوع: رد: بوقالات جديده انووا وعقدوا يا بنات   بوقالات جديده  انووا وعقدوا يا بنات Emptyالأحد أكتوبر 13, 2013 6:56 pm




حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة و حكمتكم : صداقة الجاهل تعب.











التوقيع

الرجوع الى أعلى الصفحة اذهب الى الأسفل
 

بوقالات جديده انووا وعقدوا يا بنات

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1



صلاحيات هذا المنتدى:لاتستطيع الرد على المواضيع في هذا المنتدى
منتديات طلاب جامعة جيلالي ليابس سيدي بلعباس :: منتدى الطالبات :: || تعارف و نقاش بنات المنتدى ~-

 
©phpBB | منتدى مجاني | منتدى مجاني للدعم و المساعدة | التبليغ عن محتوى مخالف | آخر المواضيع