سلامو عليكم ..

انا ديما نشوف في حياتي انو التسلاف داير طريق طويلـة ..
الجيران يجو يدقو الباب ..: قاتلك يما سلفيلي 100 الف ومن بعديها نرجعهالك .. بعد عام كامل يرجوعها ... ولا قاتلك ختي ابعثيلي الشال ديالك والصندال .. ميرجعولكش بعد قرون .. كي يتقطعوا ويرشاو حتان يجوك..

وكل شيء طبق القاعدة عنو اي حاجة توقع انهم يجو يسلفوها ..احيانا الواحد يستغرب !!
ولا الطلبـة نتاع الحوايج ..قاتلك ماما ابعثيلي طوماطيش و فلفل وبطاطا >>> لالا ارواحي هزي الفريجيدار خيرلك ..<<<

والحقيقة انهم تلقايهم لاباس عنهم غير والفو برك .. باباهم استاذ ويسلك كيفو كيف الناس..
مي الله غالب الطلبة والتسلاف في العروق مع الدم يمشو ..

انا في الحقيقة منحبش هذا النوع من الجيران مراتش نتمنى اني نسكن وحدي في صحراء خالية لا تكسار راس لا والو ..
يجو على 1 نتاع الليل يطلبو كلشي ..تخيلو ؟

حبيت نحط الموضوع ..
ونشوفو مع بعضاتنا الحل باه نتهناو ..
لانو انا نتحشم كي يجو منحبش نتلفهم !!بالمقابل انا منحبش يلي يتسلف ..

ايا حطوا رايكم لانو يهمني ..

ما يلزمش تحشمي ختي أنــا نشوف بأن الحل الأفضل هو أنك ترديهم مرة مرتين يفهموا و هدا ما كان

كاين سلف من سلف ...... أمّا الصامطين فأنا نقول لللّي ميحشمش مكان لاه نحشمو منّه

حنا جارتنا قاتلنا سلفوني الطعام و الطوماطيش تاع القوطي بعد 5 دقايق جات سلفوني الكرافس.كان باقي غير اللحم لي ماتسلفاتهش.

ناس بكري يقولو " لعاد صاحبك عسل متلحسوش ......"

ختي واش ديري رانا قاع عندنا نفس المشكل انا اللي تغيضنيانو اللييجو يتسلفو لكان طلي عند بابهم واش كاين تلقي الكار و التنوبيل اخر طراز و اولادهم يلبسو مليح اخر موضة و من بعد تجي الصباح لله طبطب عليك بالفنجان في يدها تقولك جارتي الله يحفظك "عطيني " فنجان قهوة مطحونة تقول حاطته عندي و من بعد تروح للجارة لخرا تهدر فيك
معليش لكان تمديو لا تسلفي حاجة ولا زوج بصح للي يستاهلها
و شكرا على الموضوع